Mamanaw Pekiswewina | Mother Tongues:
amiskwacîwâskahikan

aniskac wâhkômâkanak kânakataskecik
kânîmihitocik enîmihitocik kîsikohk
ekiskeyihtahkik namoya tâpwe kapôniwâpamitok
kweskâyik etakohtecik
ispî kihewak nipicik nikanahastân nipawâtamowin kâkâtiknamân
mâka isko ôma kîsikâw ispayiki,
kawîcikâpawistâtin

-Taran Kootenhayoo

peyak asci mâmawi-wiyohtâwimâw ekwa kâkike ehayât kitehinaw
sâkihitowak, kisâkihitin
Taran kâkike, Neghanighita
Kisâkihitin

nitehihk isi kiya.
ninanâskomon

metoni nikisteyihten kawîtatoskemakik Edna Elias, Carol Powder & Cikwes, Lauren Crazybull, Maria-Margaretta, Taran Kootenhayoo, jaye simpson, ekwa Wanahae.

Mamanaw Pekiswewina: amiskwacîwâskahikan mohcikihtâwinihkewin ohci aniskac wâhkôhtowin pîkiskwewina ohci asotamâtowina nikotwâsik. kawâpahtahkik, kawîcikâpawistahkik, kanâkateyihtahkik anima kîkway kâmâmaskâteyihtâkwahki kahkiyaw awiyak [kâmiyikosicik naspasinahikewin]. Mamanaw Pekiswewina: amiskwacîwâskahikan kikastewa tepakohp kayâs ohci isitwawinihk iyiniw pîkiskwewina ohci asotamâtowin nikotwâsik: Inuktun (Inuvialuktun ekwa Inuktitut), Nêhiyawêwin, Nitsiipowahsiin, Michif, Denesųłiné, Nahkawiwin ekwa Nakota. ôhi aniskac wâhkohtowin pîkiskwewina ewîtâpisômakahki nete mekwâ ôtenaw amiskwacîwâskahikan. kawâpahtamihk sohkîmakan ekwa kâyâk kâpimâtahki pîkiskwewina ôta askîhk ehohcîmakahki ewâpahtamihk ôtenâhk kâyâk nôkwan mînowin ekwa kahâhkameyimocik kitayisînîminawak ekwa pîkiskwewina. metoni kimôsihtânaw kitehininaw.

tepakohp kâmiyikosihk naspasinahikewina**

Inuk wiyâtokowisowin, sâkihitowin, ekwa miyotwâwin, enîmihitocik kânîmihitocik
ewîcinikamômâcik nehiyaw aniskac wâhkômâkanak, kisemanitow pehtâw pakoseyimowin
askiy ohci Sikohkotoki, kakisteyihcikâtehk Nitsiipowahsiin
mîkisahk kiwâpahtihikon Michif sâkihitowin ekwa wâsaskotewin, isko pîsim esâkâsot
mamâtawinihkewin ewâhkôtamihk, emeskotasinahikâtehk isi denesųłiné
ewanihtâhk pîkiskwewin, piskihtakihcikâtehk Nahkawiwin
aniskac wâhkôhtowin Nakota kiskeyihtamowin ekwa isitwâwin, ekisteyimihcik tastawâyihk oskâyak

Mamanaw Pekiswewina: amiskwacîwâskahikan [nâkateyihtamowin]misawâc* ohci Cheyenne Rain LeGrande ᑭᒥᐘᐣ. kinanâskomitin kehte-aya Karen Mackenzie ekwa Miss Betty ohci kâkiskinohtahiyan ekwa kâkîsimowina ohci. metoni ninanâskomon ohci Latitude 53, Michelle Schultz, Raneece Buddan ohci sâkihitowin ekwa sihtoskâtowin. metoni nikisteyihten ewako tâpeyihtamowin emâtinamawit Missy LeBlanc.

metoni ispihteyihtakwan ôma naspasinahikewin epimi-wâpahtamihk pimicâyihk askoch pipon kôna kah nipâ maskosiya, nîpin pîsim ati pimâcihew.

*[nâkateyihtamowin]misawâc ana ohci naspasinahikew, ekwa naspasinahikewina ekwa wehtinâ ehatoskâtahk etapahteyimisot, enehiyawihtwât. nikânohtekaskihon piyisk kamiskamân nehiyaw itwêwin/itwemakak awiyak “kanâkatohkawât onaspasinahikewa ekwa kâkîhisimiyikosicik naspasinahikewin.”

**[kâmiyikosihk naspasinahikewin]: esihkiskamihk ohci ôma itwêwin “kâtoskâtamihk naspasinahikewina”. tahto “kâtoskâtamihk naspasinahikewin” ôta kâwâpahtamihk kimôsihtân tâpiskôc ekatawasisik mekiwin ekwa pahpeyak onaspasinahikew ehayât metoni takahki miyikowisowin. nikanawâpahten ôhi atoskewina tâpiskôc emiyikowisihk naspasinahikewina kamâtinamâkehk ôta askiy ekwa ohci ayisiyiniwak ôta askîhk. ôhi kâmiyikosihk naspasinahikewina kakisteyihtâkwâhki ekwa kasâkihtâhk.

Curatorial Statement | Cheyenne Rain LeGrande ᑭᒥᐘᐣ